تحدي 29 يوم - اليوم العشرين

 

هلو طبعا مكمل بتعلم Flutter لتطوير تطبيقات Android & IOS واريد أوصل الى انوا أكدر اشتغل وأكمل تطبيقات ببالي احتاجها بشغلي اختصاص النفط وأيضا اشتغل Freelance واشتغل تطبيقات و ببالي قبل نهاية تحدي ال 29 اسوي تطبيق To Do list

 

لانوا شغل بالبصرة وخلال تقريبا 10 أيام مصار تقدم كبير لكن كدرت أكمل 8 Module و بلشت ب 9 Module كملت جزء منه من أصل 16 للكورس الخاص ب Flutter على منصة Udemy ل Angela وان شاء الله ايام الاجازة هذي حتختلف عن الدوام و حيصير تقدم اسرع.

خلال فترة الشغل الي هو اكثر من 12 ساعة يوميا واكثر اكو أيام بقيت لل 2 بليل اشتغل و لازم اكعد ب 6 الصبح فواجهت صعوبات جدا عالية و مكدرت انوا اركز و اتعلم بنفس الكفاءة من أكون بالبيت. بس الحمد لله كدرت انوا اكمل ال Module 8 و بديت ب Module 9 من اصل 16 للكورس الخاص ب Flutter على منصة Udemy طبعا التقدم هذا قليل و جان الطموح اكثر من هذا بس ان شاء الله هذي الاجازة اعوض. تعلمت هالمرة اشون اتعامل بطريقة Dynamic وية Assets واشون اغير بالبرنامج من خلال ال Functions كل ميصير Event

بالنسبة للمشاعر متغيرت كل ما اكمل شغلة او تحدي صغير او تسوي الواجهة والتطبيق الي تريدة وخصوصا إذا جانت اكو مشكلة او أكثر وبصعوبة تحلهة تحس بشعور خنفشاري وتحس انوا انت Elon Musk. والي فاجئي اكثر هالمرة هو كل ما اكمل Module واجي للي بعدة اخسة صعب و اتعاجز منة بس من ابدي بي و اشوف اشون سهل و سلس و اكملة بسرعة نسبيا يكون الشعور روعة. الهدف ما زال هو البرمجة وحاليا اريد اتخصص بهذا المجال الي دا اتعلمة حاليا Flutter.

الخطة الي دا امشي عليهة جميلة و عال العال ومكمل بيهة لانوا دا اتعلم عليهة و احسهة سهلة. و الهدف الرئيسي خلال الايام الجاية بما انوا اني اجازة انوا اكدر اكمل الكورس و ابني تطبيق To Do list و اسمي To Do 29. و اني واثق انوا حكدر اسوي هالشي.

 

طبعا أنى ممتن جدا الى:

1-     مرتضى قاهر الصعاب.

2-     لنفسي لانوا مكمل بالتعلم رغم الشغل و المشاغل الي تطلع منا و منا.

3-     لابتوبي ابو الوكفات.