تحدي 29 يوم - اليوم العاشر

 

هلو طبعا حاليا دا اتعلم Flutter لتطوير تطبيقات Android & IOS واريد أوصل الى انوا أكدر اشتغل وأكمل تطبيقات ببالي احتاجها بشغلي [اختصاص النفط وأيضا اشتغل Freelance واشتغل تطبيقات

 

لحد الان وخلال تقريبا 10 أيام كدرت أكمل 7 Module من أصل 16 للكورس الخاص ب Flutter على منصة Udemy ل Angela.

بالبداية وخلال اجازتي بالبيت جنت أكدر انوا اشتغل 3 ساعات او أكثر لان عندي وقت لكن حاليا إني بالدوام اشتغل مهندس موقع في أبراج حفر الابار النفطية والدوام يوميا اقل شي 12 ساعة فالوقت ضيق شوية والتقدم صار ابطأ بس همزين بعد 6 أيام اجازتي حتى أكدر أركز أكثر بالتعلم واخصص وقت أكثر. لحد الان نوعا ما ماشي زين بس احتاج بعد انوا اخصص وقت أكثر للتعلم. اول مبديت واجهت صعوبة ب Android studio والاعدادات حتى يضبط مع Flutter وبعدهة تعلمت الواجهة الخاصة ب Android studio وأيضا شنو الملفات الخاصة بكل مشروع واشون اتعامل وياهة واضيف Assets واستخدمها وأيضا تعلمت شنو هي Widgets واشون اتعامل وياهة واضمن وحدة داخل الثانية حتى أوصل للواجهة الي اريدهة.

طيعا اريد اكوللكم شغلة بالنسبة للشعور من تكمل تحدي صغير او تسوي الواجهة والتطبيق الي تريدة وخصوصا إذا جانت اكو مشكلة او أكثر وبصعوبة تحلهة تحس بشعور مو طبيعي من الفرح وتحس انوا مسويي انجاز. وأكثر شي فاجئني سهولة وجمال الوجهات من تصممهة ب Flutter. وان شاء الله مكمل بالتحدي لحد ما أوصل للي اريدة حتى إذا فشلت بالتحدي راح أكمل المشوار بعدهة.

لحد الان وللمستقبل راح أكمل بمجال البرمجة وحاليا اريد اتخصص بهذا المجال الي دا اتعلمة حاليا. وسعيد بالخطة الي وضعتهة لنفسي وأنى جدا سعيد بيهة و حكمل بيهة. وأحد الأهداف الرئيسية خلال ال 10 أيام القادمة انوا أكمل 70% من الكورس الي دا اتعلم عليه وبنهاية التحدي ان شاء الله أكون مكمل الكورس.

 

طبعا أنى ممتن جدا الى:

1-     مرتضى الي شجعنا على انوا نطور من نفسا

2-     كل الي اشتغلوا على تطوير التكنولوجيا وخصوصا فريق Android studio وFlutter

3-     عمة Angela على هذا الكورس الروعة