End of the Beginning

هلاو

أسمي امير من بغداد العمر 27 مهندس نفط.

البداية :

في يوم من الايام شفت بوست على الانستا انوا عراقي مسافر تقريبا ل 100 دولة بجواز عراقي فبوقتهة تعرفت على مرتضى و فتت على حسابه على الانستا و عرفت انوا مبرمج و عايش خارج العراق.

وبيوم من الايام نشر بوست عن تحدي 29 يوم و هنا اندلعت شرارة الانطلاقة و بلشت بالتحدي و حبيت ابدي اتعلم برمجة و بحثت عن التخصص الي عاجبني و يفيد ايضا ك Career فبلشت اتعلم Flutter و دورت على كورسات و مصادر و بلشت.

المصادر :

• Udmey.com
• youtube.com
• Github
• StackOverflow
• Forums
• Flutter Docs

التطور :

بعد ان بلشت بالخطة الي وضعتها لنفسي و بديت كملت تقريبا 85% من الخطة خلال فترة التحدي لانوا ملتزم بعمل في احد الشركات النفطية بالبصرة و الدوام هو 15 ب 15 و اكثر من 12 ساعة عمل يوميا.

فجان صعب انوا اكدر اركز خلال فترة الدوام و اعتمد اكثر على فترة الاجازة و الحمد لله كدرت اتعلم هواية اشياء و بديت اكدر اسوي واجهات و سوبت اكثر من تطبيق و حاليا شغال على تطبيق خاص بية To do list و بعدهة ناوي اسوي تطبيق يخص المطاعم و الكافيهات.

الرحلة :

بصراحة رحلة التعلم كانت رائعة و لكن اي شخص من يريد يتعلم شي جديد ممكن يستصعبهة لانوا حيطلع من Comfort zone الخاصة و لكن بعد مبديت و شفت اشون الكورس كان مسهل عملية التعلم و سهولة التطوير ب Flutter و بديت احصل نتائج حلوة و ايضا كل متواجهني مشكلة و اكعد ابحث و بعدهة احلهة يجيني شعور مو طبيعي و هو الي خلاني استمر.

الخلاصة :

Always keep on learning and as they said it's better late than ever

اخيرا و ليس اخرا :

اني ممتن من الاخ مرتضى و جميع الى شاركوا في ادارة هذا التحدي و ايضا جميع المشاركين لان خلقوا جو من التحدي الحقيقي.

تحياتي الكم.

امير